नेपाली कांग्रेसका केन्द्रीय सदस्य जीवन परियारले पार्टीको सहमहामन्त्री पदमा उम्मेदवारी दिने घोषणा गरेका छन्। मंगलबार काठमाडौंमा पत्रकार सम्मेलन गर्दै उनले पार्टीको १४औँ महाधिवेशनमा (दलित कोटा)बाट आफूले सहमहामन्त्री पदमा उम्मेदवारी दिन लागेको घोषणा गरेका हुन् । पत्रकार सम्मेलनमा परियारले हाल पार्टीको विधान अनुसार दलितको पनि पदाधिकारीमा सहभागिता हुने गरी सहमहामन्त्री पद राखिएको भन्दै उहाले समावेशी क्लस्टर अनुसार सहमहामन्त्रीको उम्मेदवारी घोषणा गरेको बताए । पार्टीको बिचार र दृष्टिकोण सहि ढंगले प्रस्तुत गर्नुपर्ने र आफुले पार्टीलाई अग्रमोर्चामा लैजान भूमिका खेल्ने उनले बताए। परियारले आफुलाई अत्याधिक मतले बिजयी गराउने विश्वास व्यक्त गरे । यसअघि परियार पार्टीको दुई कार्यकाल केन्द्रीय सदस्य बनेका थिए ।