नेपाली कांग्रेसको १४औँ महाधिवेशनको औपचारिक उद्घाटन राजधानीको भृकुटी मण्डपमा विशेष कार्यक्रमका साथ सुरु भएको छ। देशभित्र र बाहिरबाट राजधानी आइपुगेका साढे चार हजार बढी प्रतिनिधिहरुले भाग लिने महाधिवेशन उद्घाटन कार्यक्रममा देशका प्रमुख पार्टीका शीर्ष नेता र विदेशबाट आमन्त्रिक पाहुनाहरु पनि सहभागी छन्। पूर्व निर्धारित समयभन्दा भण्डै डेढ घण्टा ढिलोगरी सुरु भएको उद्घाटन कार्यक्रमको सभापति सभापति शेरबहादुर देउवाले गरेका छन्। कार्यक्रममा पार्टीको संस्थापन इतर समूहबाट सभापतिको साझा प्रत्यासी बन्ने कसरतमा रहेपनि आफ्नै साथीहरुले साथ नदिएपछि निराश भएर कार्यक्रममा उपस्थित हुने वा नहुने भन्ने अवस्थामा पुगेका नेता रामचन्द्र पौडेल पनि सहभगी छन्।