नेकपा माओवादी केन्द्र प्रदेश १ कमिटीको अध्यक्षमा हर्कबहादुर नेम्वाङ (मिक्सो) विजयी भएका छन् । निर्वाचनको अन्तिम परिणाम अनुसार नेम्वाङले १६९ मत प्राप्त गरेका थिए भने प्रत्यक्षी मुक्साहाङ मेन्याङ्बोको पक्षमा ६४ मत मात्रै परेको थियो । त्यस्तै ७ मत बदर भएको थियो । नेम्वाङ अर्थमन्त्री जनार्दन शर्माका स्वकीय सचिवसमेत हुन्। त्यस्तै तीन जना उपाध्यक्षमा मणिकुमार साम्पाङ, देवान चाम्लिङ र शिवकुमार डाँगी निर्वाचित भएका छन् । त्यस्तै सचिव पदमा गणेश उप्रेती विजयी भएका छन् भने ३ जना सहसचिवमा कुमारी राई, सागर किराँती र ऋषिराम ढुंगाना विजयी भएका छन् । रेवतराज पुरी कोषाध्यक्षमा विजयी भएका छन् । ९ जना पदाधिकारीका लागि भएको मतदानमा २४० जना सहभागी भएका थिए भने २९ जनाको उम्मेदवारी परेको थियो । त्यस्तै, मतदानमा १९ जना अनुपस्थित रहेको निर्वाचन समितिले जनाएको छ।