नेपाली कांग्रेस प्रदेश नं २ को सभापतिमा कृष्ण यादव निर्वाचित भएका छन् । शुक्रबार बिहान सम्पन्न प्रदेश सभापति पदको मतगणना अनुसार यादवले ९९६ मत प्राप्त गरी निर्वाचित भएका हुन् । त्यस्तै उनका प्रतिद्वन्द्वी रामसरोज यादवले ८५५ मत मात्र प्राप्त गरेका छन् भने ३० मत बदर भएको छ । प्रदेश सभापतिमा निर्वाचित कृष्ण नेपाली कांग्रेस रौतहटका सभापति हुन् भने रामसरोज कांग्रेस प्रदेश नं २ संसदीय दलका नेता तथा भौतिक पूर्वाधार विकासमन्त्री हुन् । कृष्ण यादवलाई सभापति शेरबहादुर देउवाको साथ थियो भने यस्ता रामसरोज यादवलाई बिमलेन्द्र निधि र शेखर कोइरालाको साथ थियो ।