नेकपमा माओवादी केन्द्रको आठौं राष्ट्रिय महाधिवेशन सम्पन्न भएको छ । आइतबार अध्यक्ष प्रचण्डले केन्द्रीय कमिटीको घोषणा गरेसँगै महाधिवेशन सम्पन्न भएको हो । नेकपा माओवादी केन्द्रले अध्यक्षसहितको १५ सदस्यीय पदाधिकारी सोमबार चयन गर्ने प्रवक्ता कृष्णबहादुर महाराले जानकारी दिए । उनले अध्यक्ष प्रचण्डले महाधिवेशनको बन्दसत्रमा २९९ सय केन्द्रीय सदस्यमध्ये २३६ जनाको नामावली बन्दसत्रमा बाचन गरेसँगै पारित गरिएको जानकारी दिए । अध्यक्ष प्रचण्डले समानुपातिकतर्फ एक सय २५ जना र खुलातर्फ एक सय ११ जना गरी दुई सय ३६ जनाको नामावली पेश गरेका थिए । दुई सय ९९ सदस्यमध्ये अब बाँकी ६३ सदस्य मनोनित गर्ने नेकपा माओवादी केन्द्रले जनाएको छ । माओवादी केन्द्रको महाधिवेशन पुस ११ देखि प्रज्ञा भवन कमलादीमा सुरु भएको थियो ।