जनता समाजवादी पार्टी (जसपा) को केन्द्रीय समिति बैठक आइतबारबाट काठमाडौंमा सुरु भएको छ । बैठकमा स्थानीय तह निर्वाचन निर्देशिकाका साथै बिभिन्न प्रतिवेदन पेश भएको छ । पार्टीका प्रचार विभाग प्रमुख डम्बर खतिवडाले पार्टीको निर्वाचन निर्देशिका, पार्टीको आन्तरिक संगठनात्मक जीवनसँग सम्बन्धित प्रस्ताव र देशको राजनीतिक, समसामयिक परिस्थितिबारे छलफल केन्द्रीय रहेको बताए । आसन्न स्थानीय निर्वाचनमा पार्टीको सहभागितामा बैठकमा बिस्तृत रुपमा छलफल हुने उनले जानकारी दिए । बैठक सोमबारसम्म चल्ने जसपाले जनाएको छ ।