नेपाली कांग्रेसको भातृ संगठन नेपाल किसान संघले राष्ट्रिय धान दिवस कार्यक्रम मनाएको छ। पार्टी सभापति शेरबहादुर देउवाद्वारा किसान संघको नेतृत्व आफूलाई सुम्पिए लगत्तै उक्त संस्थाका नवनियुक्त अध्यक्ष गणेश तिमिल्सिनाको नेतृत्वमा रहेको किसान संघले असार १५ गते धान दिवस मनाएको हो। अध्यक्ष तिमिल्सिनाका अनुसार, आज भक्तपुरको सिरुटारमा कांग्रेस सहमहामन्त्री महेन्द्र यादवको उपस्थितिमा धान रोपाइ गर्नुका साथै दही चिउरा खाएर धान दिवस मनाएको हो। उक्त कार्यक्रममा भक्तपुर कांग्रेस जिल्ला सभापति दुर्लभ थापा लगायतका नेता, स्थानीय कार्यकर्ताले पनि उत्साहका साथ धान दिवस मनाउँदै खेतमा धान रोपेका थिए।