विश्वभर महामारीका रुपमा फैलिएको कोरोना भाइरसका संक्रमितको संख्या कम हुँदैजाँदा सर्वसाधारणको जीवनमा केही राहत आउँदै गर्दा फेरि कोरोनाको नयाँ चरणले उकालो लाग्न सुरु गरेको छ। विगत २४ घण्टामा नेपालमा थप ८ सय ९५ जनामा कोरोना संक्रमित थपिनुका साथै एक जनाको निधन भएको छ। देशभर गरिएको ३ हजार ६ सय ८५ पिसिआर परिक्षणका क्रममा ६ सय ३२ जना र २ हजार २ सय २४ एन्टीजेन परिक्षणका क्रममा २ सय ६३ जनामा कोरोना संक्रमण पुष्टि भएको हो। कोरोनाका कारण थप १ जनाको मृत्यु भएको छ। त्यस्तै थप २ सय ६४ जना कोरोना मुक्त भएको स्वास्थ्य मन्त्रालयले जनाएको छ। हाल नेपालमा ४ हजार ९ सय ३४ सक्रिय संक्रमित आइशोलेशनमा रहेको पनि मन्त्रालयले जनाएको छ।