नेपाली कांग्रेसका नेता एवं प्रदेश नं. १ का बन तथा बाताबरण मन्त्री शेखरचन्द्र थापाको निधन भएको छ। केही दिनअघि डेङ्गीका कारण फोक्सोमा समस्या देखिएपछि काठमाडौ आएर उपचारपछि स्वास्थ्यलाभका लागि गृहजिल्ला मोरङ फर्किएका थापाको आज निधन भएको मोरङस्थित कांग्रेसका एक स्थानीय नेताले जानकारी दिए। मोरङ क्षेत्र नम्बर ३ अन्तर्गत प्रदेशसभा क्षेत्र क बाट कांग्रेसका उम्मेदवारसमेत रहेका थापाको उपचारका क्रममा बुधबार निधन भएको हो। विराटनगरस्थित नोबेल अस्पतालमा उपचारको क्रममा उनको निधन भएको अस्पतालले जनाएको छ। थापालाई गम्भीर प्रकारको निमोनिया देखिएको थियो। सुरूमा नोबेल मेडिकल कलेजमा भर्ना भएका थापाको स्वास्थ्य जटिल भएपछि काठमाडौंको ह्याम्स अस्पतालमा ल्याएर उपचार गरिएको थियो। ह्याम्समा तीन साताको उपचारपछि निको भएपछि उनलाई विराटनगर लगिएको थियो।