प्रधानमन्त्री तथा नेपाली कांग्रेस सभापति शेरबहादुर देउवा आइतबार डडेल्धुरामा मतदान गरेका छन्। प्रतिनिधि सभातर्फ एक मात्र निर्वाचन क्षेत्र रहेको डेडेल्धुराबाट कांग्रेसका उम्मेदवार समेत रहेका देउवाले सातौँ पटक सांसद पदका लागि आज मतदान गरेका हुन्। प्रतिनिधि सभा तथा प्रदेश सभा सदस्यका लागि आज बिहानै ७ बजेदेखि सुरु भएको मतदान प्रक्रियामा सहभागी हुन गृहजिल्ला पुगेका देउवाले बिहानै आफ्नै जन्मथलो डडेल्धुरा गन्यापधुरा गाउपालिका १ को अशिग्राम मावि रूवाखोलामा रहेको मतदान केन्द्रमा मतदान गरेका थिए। उनीसँगै उनकी धर्मपत्नी आरजु देउवा राणा पनि डेडेल्धुरामा पुगेकी छिन्। सम्भवत् प्रधानमन्त्री देउवा आजै राजधानी फर्किन सक्ने छन्।