आइतबार सम्पन्न प्रतिनिधि सभा र प्रदेश सभा सदस्य निर्वाचनको जारी मतगणनाको सुरुवाती विजय नेपाली कांग्रेसका उम्मेदवार योगेश गौचन थकालीले मुस्ताङबाट खोलेका छन्। गएरातीबाट सुरु भएको मतगणनाको अन्तिम परिणाम अनुसार कांग्रेस नेता रोमी गौचन थकालीका २८ वर्षिय छोरा योगेशले एमाले उम्मेदवार प्रेमप्रसाद तुलाचनलाई पराजित गर्दै कांग्रेसको यसपटकको पहिलो विजेता बनेको स्रोतले बतायो। मतगणनाको अन्तिम नतिजा अनुसार, गाैचनले ३ हजार ९ सय ९२ मतसहित विजयी भए भने तुलाचनले ३ हजार ७८ मत प्राप्त गरेकाे स्राेतले बतायाे।