नेपालको नयाँ राष्ट्रपतिमा आठ दलीय गठबन्धनबाट उम्मेदवार बनेका नेपाली कांग्रेसका नेता रामचन्द्र पौडेल निर्वाचित भएका छन्। बिहिबार सम्पन्न निर्वाचनको भर्खरै सम्पन्न मतगणनाको परिणाम अनुसार, पौडेलले ३३ हजार ८ सय २ मतभार प्राप्त गर्दै राष्ट्रपतिमा निर्वाचित भएका हुन्। उनीसँग नेकपा एमालेका उम्मेदवार सुवासचन्द्र नेम्वाङ पराजित भएका छन्। नेम्वाङले १५,५१८ मतभार पाएका छन् भने ५ जना मतदाताकाे मत बदर भएकाे छ।