भारतका स्थल सेनाध्यक्ष जनरल उपेन्द्र द्विवेदी काठमाडौं आइपुगेका छन्।
नेपाली सेनाका प्रधानसेनापति अशोकराज सिग्देलको औपचारिक निमन्त्रणामा भारतीय स्थल सेनाध्यक्ष जनरल द्विवेदी बुधबार नेपाल आइपुगेका हुन्।
नेपाल र भारतबीच एकले अर्को देशको सैनिक प्रमुखलाई मानार्थ महारथीको सम्मान आदानप्रदान गर्ने पुरानै प्रचलनको निरन्तरताका लागि नेपाली सेनाका प्रमुख सिग्देलको निमन्त्रणमा भारतीय सेना प्रमुख आइपुगको हुन्।
मंसिर ९ गतेसम्म नेपाल भ्रमणको कार्यतालिका बनाएर काठमाडौं आइपुगेका भारतीय सेनाध्यक्ष द्धिवेदीलाई राष्ट्रपति रामचन्द्र पौडेलले बिहिबार नेपाली सेनाको मानार्थ महारथीको सम्मान प्रदान गर्ने कार्यक्रम छ।
नेपाल भ्रमणको क्रममा भारतीय सेनाध्यक्षले प्रधानमन्त्री केपी शर्मा ओली, रक्षामन्त्री मानवीर राई र समकक्षी प्रधानसेनापति अशोकराज सिग्देलसँग पनि भेटवार्ता गर्ने नेपाली सेनाले जनाएको छ।
