नेपाल प्रिमियर लिग (एनपीएल) क्रिकेटको माहोलले आम नेपाली दर्शकहरुलाई रोमाञ्चित र आकर्षित गरिरहेको बेला सीजी इलेक्ट्रोनिक्सले आफ्ना ग्राहकहरुलाई फ्रि टिकट बाँढेर थप उत्साहित बनाएको छ।

नेपालको प्रतिष्ठित व्यापारिक समूह चौधरी ग्रुप अन्तरगतको सीजी इलेक्ट्रोनिक्स कम्पनीले आफ्ना एक हजारजना ग्राहकहरुलाई फ्रि टिकट वितरण गर्दै उनीहरुका लागि आज बिहिबार हुने क्वालिफायर–२ को प्रत्यक्ष खेल हेर्ने अवसर दिलाएको हो।

सीजीले जारी गरेको विज्ञप्ति अनुसार, उक्त कम्पनीले यसअघि घोषणा गरेको अफर अन्तर्गत सीजी इलेक्ट्रोनिक्सको उत्पादन खरिद गर्ने ग्राहकहरूमध्ये लक्की ड्रमार्फत एक हजार जना विजेता छनोट गरिएको हो। जसले आज अपरान्ह कीर्तिपुरस्थित त्रिवि क्रिकेट मैदानमा उपस्थित भएर कर्णाली याक्स र जनकपुर बोल्ट्सबिचको खेल प्रत्यक्ष हेर्न पाउने छन्।

कम्पनीले एलजी, सीजी, टीसीएल, गोदरेज, बेको, सेन्साई, ब्ल्याक एन्ड डेकर, माइडिया, केन्ट, एलिका र क्रम्प्टन जस्ता राष्ट्रिय तथा अन्तर्राष्ट्रिय ब्रान्डका उत्पादन खरिद गर्ने ग्राहकहरूमध्येबाट लक्की विजेता छनोट गरी सबै टिकट वितरण गरेको बताएको छ।

विजेताहरुलाई टिकट वितरण गरेपछि सीजी इलेक्ट्रोनिक्सका प्रतिनिधिले भने, ‘१००० टिकट वितरण गर्दै ग्राहकहरूसँग एनपीएलको जोश र उत्साह साझा गर्न पाउँदा हामीलाई गर्व छ। हाम्रा ग्राहकहरूको खुशी नै हाम्रो प्राथमिकता हो, र यो अभियानले उनीहरूलाई उत्कृष्ट मूल्य र क्रिकेटको प्रत्यक्ष मज्जा प्रदान गर्ने अवसर दियो।’

सीजी कम्पनीले नेपाली खेलकुद क्षेत्रलाई निरन्तर समर्थन गर्दै यस्ता योजनाहरू आगामी दिनमा पनि सञ्चालन गर्ने प्रतिबद्धता व्यक्त गरेको छ।

ग्राहकहरूको उत्साहजनक सहभागिता

अभियानका क्रममा ठूला घरेलु उपकरणहरू जस्तै टिभी, वाशिङ मेसिन, फ्रिज, एयर कण्डिसनर, बिभिन् प्रकारका हिटर, डिसवासर,  आदिबाट लिएर साना घरेलु उपकरणहरू जस्तै एयर फ्रायर, भ्याकुम क्लिनर, आयरन, कफी मेकरजस्ता उत्पादनहरू खरिद गर्न ग्राहकहरूले ठूलो उत्साह देखाएका थिए।

धन्यवाद र प्रतिबद्धता

सीजी इलेक्ट्रोनिक्सले एनपीएल टिकट वितरण अभियानलाई सफल बनाउन सहयोग गर्ने सबै ग्राहकप्रति आभार व्यक्त गर्दै आगामी दिनमा थप रोमाञ्चक अफरहरू ल्याउने प्रतिवद्धता व्यक्त गरेको छ।

‘यो अभियानले क्रिकेटप्रेमी ग्राहकहरूलाई हाम्रो ब्रान्डसँग जोड्ने अवसर मात्र होइन, उनीहरूको उत्साहको हिस्सा बन्ने अवसर पनि दिएको छ,’ कम्पनीका प्रतिनिधिले भने।

सीजी इलेक्ट्रोनिक्सले ग्राहकहरूको विश्वास र समर्थनलाई सम्मान गर्दै भविष्यमा पनि उत्कृष्ट उत्पादन र सेवाहरूमार्फत उनीहरूको अपेक्षालाई पुरा गर्ने योजनाहरू अघि बढाउने जानकारी दिएको छ।