राष्ट्रिय स्वतन्त्र पार्टी (रास्वपा)का सभापति रवि लामिछाने काठमाडौँ जिल्ला अदालतमा हाजिर भएका छन्।
काठमाडौँको कालीमाटीस्थित स्वर्णलक्ष्मी बचत तथा ऋण सहकारीको बचत ठगी अभियोगमा मुद्दा परेपछि हालैमात्र पोखराको सूर्यदर्शन सहकारी ठगी प्रकरणमा धरौटीमा रिहा भएर काठमार्डौ आइपुगेका लामिछाने आइतबार काठमाडौ जिल्ला अदालतमा हाजिर हुन पुगेका हुन््।
काठमाडौं जिल्ला प्रहरी कार्यालयस्थित अपराध अनुसन्धान शाखाले अनुसन्धान र वयानका आधारमा सरकारी वकिलको कार्यालयमार्फत जिल्ला अदालतमा मुद्दा दायर गरेपछि बिहिबार पोखराबाट छुटेर शुक्रबार काठमाडौं आएका लामिछाने आइतबार कार्यालय खुल्नासाथ जिल्ला अदालतमा आफ्नै गाडीमा चढेर पुगेका थिए।
सहकारीको बचत ठगी लगायतका गम्भीर आरोपमा ८४ दिन कास्की जिल्ला प्र्रहरी हिरासतमा रहेर धरौटीमा रिहा भएलगत्तै पुनः काठमाडौंको अर्को सहकारीको रकम अपचलन गरेको आरोप लागेर वयानका लागि अदालत पुग्दै गर्दा पनि लामिछानेले अभियुक्त कम योद्दा ज्यादाको भाङभङ्गी देखाउँदै अदालतको गेटमा पुगेर हात हल्लाउँदै भित्र पसेका थिए।
जिल्ला अदालतले तय गरेको दैनिक पेशी तालिकामा न्यायाधीश माधवप्रसाद अधिकारीको इजलास तोकिएपछि अब लामिछानेले न्यायाधीश अधिकारीसमक्ष अदालतमा वयान दिने छन्।
सहकारी ठगी लगायतका आरोपमा सरकारी वकिलको कार्यालयमार्फत परेको मुद्दाको विषयमा न्यायाधीश समक्ष वयान लिनेक्रम सकिएलगत्तै उनलाई प्रहरी हिरासतमै राखेर मुद्दा अघि बढाउने अथवा सामान्य तारिख अथवा धरौटीमा रिहा गर्ने भन्नेबारे थुनछेक बहस सुरु हुने छ।
प्रहरीले काठमाडौंको कालीमाटीमा रहेको स्वर्णलक्ष्मी बहुउद्देश्यीय सरकारी संस्थाको रकम अपचलन गरेको आरोपमा राष्ट्रिय स्वतन्त्र पार्टीका सभापति लामिछानेसहित ४४ जनाविरुद्ध मुद्दा दर्ता गरेको थियो ।
उक्त सहकारीबाट अपचलन भएको रकमसहित प्रहरीले १ अर्ब १९ करोड ४९ लाख २१ हजार २७० रुपैयाँ बिगो मागदावी गरेको छ।
लामिछाने पोखराको सूर्यदर्शन सहकारी ठगी मुद्दामा यही पुस २५ गते मात्र कास्की जिल्ला अदालतका न्यायाधीश नीतिजकुमार राईको इजलासको आदेशका आधारमा ६५ लाख धरौटी बुझाएर रिहा भएका थिए।
