प्रधानमन्त्री केपी शर्मा ओलीले संविधान विपरितका कुनैपनि काम स्वीकार्य नहुने उद्घोष गरेका छन्।
सोमबार काठमाडौंमा निजी तथा आवासीय विद्यालय अर्गनाइजेसन नेपाल (प्याब्सन)को १६औं राष्ट्रिय महाधिवेशनको उद्घाटन गर्दै प्रधानमन्त्री ओलीले मुलुकमा संविधान बिपरितका गतिविधि बढ्न थालेको भन्दै त्यस्ता कुनै पनि काम हुन नदिने र रोक्नुपर्ने बताए।
प्रधानमन्त्री ओलीले राजावादीका नाममा सिंगै समाजलाई असोभनिय बनाउने काम भइरहेको आरोप पनि लगाए।
उनले राजनीति गर्न मन भए खुला मैदानमा आउन पूर्वराजालाई सुझाव दिदै अस्थीरता र अराजकता फैलाउन नदिइने जिकिर पनि गरे।
प्रधानमन्त्री ओलीले मुलुकलाई समृद्ध बनाउनका लागि साक्षरता दर बनाउनुपर्नेमा जोड दिए।
उनले सम्पत्तिको हक संविधानले नै दिएकाले ढुक्क भएर लगानी गर्न निजी विद्यालयललाई आग्रह समेत गरे।
प्रधानमन्त्री ओलीले निजी विद्यालयलाई पाँच वर्षभित्र गुठीमा लानुपर्ने प्रस्ताव कसरी आयो भनेर आफू छक्क परेको पनि जिकिर गरे।
प्रधानमन्त्री ओलीले सरकारले तिर्न नसक्ने बालबालिकालाई निःशुल्क शिक्षा दिने दायित्व लिने र यसमा निजी क्षेत्रको पनि साथ लिने जानकारी दिए।
कार्यक्रममा प्रधानमन्त्री ओलीले प्याब्सन गौरव, प्याब्सन रत्न आदि सम्मानबाट पूर्व अध्यक्ष भोजबहादुर शाह, लक्ष्यबहादुर केसी, डा विजय सम्बाहाम्फेलगायतलाई सम्मान प्रदान गरेका थिए।
सोमबारदेखि सुरु भएको उक्त महाधिवेशनले आज र भोलिमा नयाँ कार्यसमितिसहितको नेतृत्व चयन गर्ने कार्यतालिका रहेको छ।
