टिसीएल नेपालले आफ्ना पश्चिम नेपालका डिलरहरुबिचको सहकार्यलाई थप संगठित बनाउन वर्दियामा डिलर सम्मेलनको आयोजना गरेको छ।

चौधरी ग्रुप अन्तरगतको सिजी इलेक्ट्रोनिक्सले नेपालमा उपलब्ध गराउँदै आएको विद्युतीय उपकरण टिसीएल कम्पनीले जारी गरेको विज्ञप्ति अनुसार, वर्दियामा आयोजित उक्त कार्यक्रममा नवीनतम उत्पादनहरुको प्रदर्शनी, बजार प्रवृत्तिहरुको विश्लेषण र डिलरहरुसँग दीर्घकालीन साझेदारीको रणनीतिबारे छलफल गरिएको थियो।

कार्यक्रममा टिसीएल नेपालका प्रतिनिधिहरुले कम्पनीको प्रगति, उत्पादन नवीनीकरण र प्रतिस्पर्धा बजारमा अग्रसर हुने योजनाहरुबारे विस्तृत प्रस्तुती दिएको थियो।

पश्चिम नेपालका डिलहरुले पनि व्यवसायिक अनुभव, चुनौती र अवसरहरुबारे अन्तरक्रिया भएको थियो।
कार्यक्रममा कम्पनीबाट उत्पादित उपकरणहरु टेलिभिजन, घरायसी एयर कन्डिशनर, वासिङ मेसिन, रेफ्रिजिरेटर, क्यासेट रेकर्डर, साउण्डबार, वाटर डिस्पेन्सरसँगै एलइडी टिभि, फोर के रिजोल्युशन, इन्भर्टर एर कन्डिसनरको उर्जा सक्षम प्रविधि र अन्य उत्पादनहरुको उच्च गुणस्तरीय विशेषताहरुबारे प्रयोगात्मक प्रदर्शन गरिएका थियो। सो क्रममा ग्राहकको सन्तुष्टि र टिकाउ प्रविधिमा आधारित सेवाहरुलाई छलफलको केन्द्रमा राखिएको थियो।

टिसीएल नेपालका व्यापार इकाई प्रमुख धर्मेन्द्र जोशीले सम्मेलनले पश्चिम नेपालमा आफ्ना डिलर नेटवर्क र ग्राहकहरुसँगको सम्बन्ध अझ सुदृढ बनाउन महत्वपूर्ण हुने बताए।

साथै उलने आफ्ना साझेदारहरुबिचको विश्वास र समर्थनलाई निरन्तरता दिने प्रतिबद्धता पनि व्यक्त गरे।

कार्यक्रममा विभिन्न विधामा उत्कृष्टता हासिल गर्ने डिलरहरुलाई पुरस्कृत गरिएको थियो। जसमा हाइऐष्ट टर्नओभर पुरस्कार गौरव सप्लायर्स, तुलसीपुर, लोयल्टी एक्सीलेन्स पुरस्कार सुभेक्षा ट्रेड एण्ड सप्लायर्स, धनगढी, इमर्जिङ डिलर या दि एयर सिद्धी विनायक इलेक्ट्रोनिक्स, बुटबल र वेष्ट ट्रान्जेक्ससन पुरस्कार केदार टेलिकम, महेन्द्रनगरलाई प्रादन गरिएको थियो।