गृहमन्त्री रमेश लेखकले राजवादीको प्रदर्शनका क्रममा शुक्रबार भएको घटनाको छानबिन गरी दोषीलाई कारबाही गर्ने बताएका छन्।
पूर्व राजा ज्ञानेन्द्र शाहलाई पुनः राजगद्दीमा फर्काएर मुलुकलाई हिन्दुअधिराज्य घोषणा गर्ने नारा लिएर शुत्रबार सडक विद्रोमा उत्रिएको राजावादीको समूहले आगजनी, तोडफोड र लुटपाट गरेको काठमाडौंको तीनकुने, कोटेश्वरलगायतका क्षेत्रमा शनिबार बिहान अनुगमन गर्दै गृहमन्त्री लेखकले राजावादीहरुले अपराधिक चरित्र देखाएको भन्दै घटनाको अनुसन्धान गरेर दोषीलाई कारवाही गर्ने बचनबद्धता व्यक्त गरेका हुन्।
गृहमन्त्री लेखकले सुरक्षा निकायका अधिकारीसहित तीनकुनेमा भएको आगजनी, बिभिन्न सञ्चारगृहमा भएको तोडफोडका साथै नेकपा एकीकृत समाजवादीको कार्यालयमा भएको तोडफोड एवं क्षतिको निरीक्षण गरेका थिए।
उनले शुक्रबार भएको घटनाको राजनीतिक आदर्श, मूल्य मान्यतासंग कुनै साइनो नरहेको आरोप लगाए।
राजवादीले छानिछानी आगजनी, तोडफोड र लुटपाटको नियोजित घटना घटाएकाले दाबी गर्दै घटनामा संलग्न दोषीलाई कारबाही गर्ने बताए।
शुक्रबार काठमाडौंको तीनकुने क्षेत्रमा विरोध प्रदर्शका लागि पुगेका राजावादीहरुले काडमाडौंका बिभिन्न स्थानमा आगजनी, तोडफोडका साथै लुटपाट गरेका थिए।
राजावादीहरूको आन्दोलनका क्रममा दुई जनाको मृत्यु भएको थियो।
जसमा एक जना कीर्तिपुर नगरपालिका वडा नम्बर ४ निवासी २९ वर्षीय सविन महर्जनको प्रहरीको गोलि लागेर उपचारका क्रममा मृत्यु भएको थियो भने, अर्को एक जना एभेन्यूज टेलिभिजनका कार्यरत क्यामेरा पर्सन सुरेश रजक तीनकुनेस्थित एक घरमा आन्दोलनकारीले लगाएको आगोमा जलेर निधन भएको थियो।
