इंग्लिस प्रिमियर लिगमा साबिक विजेता लिभरपुलले लज्जास्पद हार भोगेको छ । लिभरपुलमाथि एस्टन भिल्लाले ७–२ को फराकिलो जीत हात पारेको हो । एस्टन भिल्लाको मैदानमा भएको खेलमा ओली वान्ट्किन्सले चौथो, २२ र ३९ औं मिनेटमा गोल गरी ह्याट्रिक पूरा गरे भने ज्याक ग्रेएलिशले ६६ र ७५ औँ मिनेटमा गोल गरे भने ३५ औँ मिनेटमा जोन म्याकगिन र ५५ औँ मिनेटमा रोस बार्कलीले गोल गरे । लिभरपुलका लागि मोहम्मद सालहले ३३ र ६० औँ मिनेटमा गरी दुई गोल गरे । लगातार तीन खेलमा जीत निकालेको एस्टन भिल्लाले ९ अंक जोडेको छ । लिगमा पहिलो हार व्यहोरेको लिभरपुलको चार खेलबाट ९ अंक छ ।