स्पेनिस ला लिगाको नयाँ सिजनमा बार्सिलोनाको विजयी यात्रामा पूर्णविराम लागेको छ । गएराति भएको खेलमा बार्सिलोनालाई सेभिल्लाले बराबरीमा रोकेको हो । घरेलु मैदानमा भएको खेलमा बार्सिलोना सेभिल्लासँग १–१ को बराबरीमा रोकिएको हो । आठौँ मिनेटमा लूक डी जोङ्गले गोल गरी सेभिल्लालाई सुरुवाती अग्रता दिलाए । खेलको १० औं मिनेटमा फिलिपे कोन्टिन्होले गोल गर्दै बार्सिलोनालाई बराबरीमा ल्याए । त्यसपछि दुवै तर्फबाट गोल हुन नसकेपछि बार्सिलोना बराबरीमा रोकिएको हो । तीन खेलबाट सात अंकसहित बार्सिलोना पाँचौ स्थानमा रहेको छ भने सेभिल्ला समान अंकसहित छैटौं स्थानमा छ ।