स्पेनिस ला लिगामा रियल मड्रिडले सहज जीत हात पारेको छ । गएराति भएको खेलमा रियलले लेभान्टेलाई २–० गोल अन्तरले पराजित गरेको हो । लेभान्टेको मैदानमा रियललाई जीत दिलाउन भिनसियस जुनियर र करिम बेन्जिमाले एक–एक गोल गरे । खेलको १६ औं मिनेटमा जुनियरले गोल गर्दैै रियललाई अग्रता दिलाए । त्यसपछि खेलको इन्जुरी समयमा बेन्जिमाले गोल गर्दै रियललाई २–० को जीत दिलाए । जितसँगै रियल तालिकाको शीर्ष स्थानमा उक्लिएको छ । रियलले ४ खेलमा ३ जितसहित १० अंक जोडेको छ । लेभान्टे ४ खेलमा ३ अंक जोडेर १८ औं स्थानमा छ । ला लिगा गएराति भएको खेलमा ओसासुनाले सेल्टा भिगोलाई २–० ले हराएको छ । यस्तै डिपोर्टिभो अल्भेसले एथ्लेटिक बिल्बाओलाई १–० ले हराएको छ ।