जर्मन क्लब बायर्न म्युनिखले ब्राजिलियन विंगर डग्लस कोस्टालाई लोनमा अनुबन्धित गरेको छ । बायर्नले कोस्टालाई इटालियन क्लब युभेन्ट्सबाट एक सिजनका लागि लोनमा अनुबन्धित गरेको हो । बायर्नले ३० वर्षीय कोस्टा क्लब फर्किएको जनाएको छ । कोस्टा सन् २०१७ मा बायर्नबाट युभेन्ट्स आएका थिए । युभेन्ट्समा ४ सिजन बिताएपछि कोस्टा लोनमा बायर्न फर्किएका हुन् । उनले बायर्नबाट पुनः खेल्न पाउँदा धेरै खुशी रहेको बताउँदै फेरी उपाधि जित्ने विश्वास रहेको बताएका छन् । सन् २०१५ मा बायर्न आएका उनले तीन सिजन क्लबमा रहदा ७७ खेलमा १४ गोल गरेका थिए । कोस्टा २०१७ मा लोनमा युभेन्ट्स आएपछि अर्को सिजन युभेन्ट्सले उनलाई स्थायी खेलाडीको रुपमा अनुबन्ध गरेको थियो । युभेन्ट्सका लागि उनले १ सय ३ खेलमा १० गोल गरेका छन् ।