हालाण्ड र फाती गोल्डेन ब्वाई अवार्डको मनोनयनमा
यूईएफए गोल्डेन ब्वाई अवार्डका लागि २० युवा खेलाडीको मनोनयन सार्वजनिक भएको छ ।
यूईएफएले युरोपियन क्लब फुटबलमा उत्कृष्ट प्रदर्शन गर्ने २० युवा खेलाडीको सूची सार्वजनिक गरेको हो ।
सूचीमा बोरुसिया डर्टमण्डका अर्लिङ हालाण्ड, डर्टमण्डकै जाडोन सान्चो, बार्सिलोनाका अन्सु फाती, म्यानचेस्टर युनाईटेडका मासन ग्रीनउड, म्यानचेस्टर सिटीका फिल फोडेन, फेरान टोरेस, आर्सनलका बुकायो साका छन् ।
यसैगरी उल्भ्सका फाबियो सिल्भा, रियल मड्रिडका रोड्रिगो, रियलकै भिनिसियस जुनियर, बार्सिलोनाका सेर्जिनो डेस्ट, रेनसका इडुवार्डो, पीएसजीका मिचेल बाकर, लिल्लेका जोनाथन डेभिड, बायर्न म्युनिखका अल्फान्सो डेभिस, अयाक्सका रायन ग्राभेनबेर्च, चेल्सीका कलुम हड्सन ओडोई र साल्जबर्गका डोमिनिक पनि सूचीमा छन् ।
अवार्डका लागि मनोनित सबै खेलाडी २१ वर्ष मुनिका हुन् । यसपटक डर्टमण्डका हालाण्ड, बायर्नका डेभिस र बार्सिलोनाका फातीलाई म्ुख्य दाबेदारका रुपमा हेरिएको छ ।
गत वर्ष यो उपाधि हात पारेका एट्लेटिको मड्रिडका जोआ फेलिक्स भने मनोनयनमा परेका छैनन् । यसअघि वायन रुनी, पाउल पोग्बा, रहिम स्ट्रर्लिङ, मारियो बलाटेली, इस्को, एन्थोनी मार्सियल, म्याथिस डी लिग्ट, केलियन एमबाप्पेले यो उपाधि जितेका छन् ।
प्रकाशित मिति: बिहीबार, असोज २९, २०७७
प्रतिक्रिया दिनुहोस्
थप समाचार
साताको लोकप्रीय
