स्पेनिस ला लिगा फुटबलमा बार्सिलोना पराजित भएको छ । शनिबार राति भएको खेलमा बार्सिलोना गेटाफेसँग पराजित भएको हो । घरेलु मैदानमा भएको खेलमा गेटाफेलाई जित दिलाउन जिमे माटाले निर्णायक गोल गरे । पहिलो हाफमा गोलरहित बराबरी खेलेको गेटाफेले दोस्रो हाफमा गोल गर्न सफल भएको थियो । खेलको ५६ औं मिनेटमा माटाले पेनाल्टीमार्फत गरेको गोलले नै गेटाफेलाई जित दिलाउन पर्याप्त बन्यो । जितसँगै गेटाफे अंक तालिकाको दोस्रो स्थानमा उक्लिएको छ । लिगमा पाँच खेल खेलेको गेटाफे १० अंकसहित तालिकाको दोस्रो स्थानमा रहेको छ । पराजित बार्सिलोनाको ७ अंक रहेको छ ।