टोरिनोलाई हराउँदै युभेन्ट्स तेस्रो स्थानमा (हाइलाइट सहित)
इटालियन सिरी ए फुटबल अन्तर्गत साविक विजेता युभेन्ट्सले टोरिनोमाथि जित निकालेको छ। गएराती युभेन्ट्सको घरेलु मैदानमा भएको खेलमा टोरिनो माथि २–१ को गोल अन्तरले जित हासिल गरेको हो । युभेन्ट्सलाई जित दिलाउन वेस्टन एमसीकेन र लेनार्डाे बुन्कीले गोल गरेका थिए भने टोरिनोका निकोलोस नोकुलोले एक गोल फर्काएका थिए ।
https://www.youtube.com/watch?v=FPtyRQQX4wo
हिजो खेल सुरु भएको ९ औं मिनेटमा निकोलोसले गोल गर्दै टोरिनोलाई अग्रता दिलाएका थिए । पहिलो हाफ १ गोलमा मात्र सिमित भएपछि दोश्रो हाफको युभेन्ट्सले दुई गोल गर्दै जित हासिल गर्यो । खेलको ७७ औं मिनेटमा जुवान कोउडार्डोको पासमा एमसीकेनले सदुपयोग गर्दै खेल बराबरीमा पुराए। त्यस्तै ८९ औं मिनेटमा कोउडार्डोकै पासमा बोनुचीले गोल गदै खेललाई २-१ मा पुराए। यो गोल नै खेलको निर्णायक गोल बन्न पुग्यो ।
१० खेल खेलेको युभेन्ट्सले यो जितसंगै २० अंक बाटुलदै तेस्रो स्थानमा उक्लिएको छ भने १० खेल खेलेको टोरिनो ६ अंकसहित अंकतालिकाको पुछारबाट तेस्रो स्थानमा छ । अंक तालिकाको २३ अंक सहित शीर्ष स्थानमा एसी मिलान रहेको छ भने इन्टर मिलान २१ अंक सहित दोश्रो स्थानमा रहेको छ ।
प्रकाशित मिति: शनिबार, मंसिर २०, २०७७
प्रतिक्रिया दिनुहोस्
थप समाचार
साताको लोकप्रीय
