पीएसजी अन्तिम १६ मा प्रवेश
फ्रान्सेली क्लब पेरिस सेन्ट जर्मेन (पीएसजी) च्याम्पियन्स लिगको नकआउट चरणमा प्रवेश गरेको छ। गए राति भएको पीएसजीले टर्कीस क्लब इस्तानबुल माथि ५–० ले जीत निकाल्दै अन्तिम १६ मा स्थान सुरक्षित गरेको हो ।
घरेलु मैदानमा भएको खेलमा नेयमारले ह्याट्रिक गरेका थिए भने केलियन एम्बाप्पेले दुई गोल गरेका थिए । खेलको पहिलो हाफको २१ र ३८ मिनेटमा नेइमार दुई गोल गरेका थिए भने एम्बाप्पेले ४२औं मिनेटमा पेनाल्टीमार्फत् एक गोल गरेका थिए।
पहिलो हाफमा पीएसजीले ३-० लिएको अग्रता दोश्रो हाफको ५० औं मिनेटमा नेयमारले थप एक गोल गर्दै ह्याट्रिक पूरा गरे । त्यस्तै एम्बाप्पेले ६२ औं मिनेटमा थप एक गोल गर्दै पीएसजीले ५-० को गोल अन्तर जीत हात परेको छ ।
मंगलबार राति भएको खेलमा रेफ्रीले रंगभेदी व्यवहार गरेको भन्दै १५ औं मिनेटमा खेलाडीहरुले मैदान छोडेका थिए । मंगलबार स्थगित भएको खेल दुवै टिमको सहमति अनुसार बुधबार खेलिएको थियो।
यस जीतसंगै १२ अंक जोड्दै समूह चरणमा प्रवेश गरेको छ भने इस्तानबुल ३ अंक बटुल्दै लिगबाट बाहिरिएको छ । एजेन्सीको सहयोगमा
प्रकाशित मिति: बुधबार, मंसिर २४, २०७७
प्रतिक्रिया दिनुहोस्
थप समाचार
साताको लोकप्रीय
