युएईमा जारी टि–१० लिगमा नेपाली खेलाडी सम्मिलित ३ वटै टिम पराजित भएको छ । शुक्रबार राति भएका खेलमा नेपाली खेलाडी सम्मिलित टिम अबुधावी, पुणे डेभिल्स र मराठा अरेवियन्स पराजित भएका हुन् । शुक्रबारको पहिलो खेलमा पुणे डेभिल्स कलन्डर्ससँग ९ विकेटले पराजित भयो । पुणेबाट नेपाली खेलाडी करण केसीले एक ओभर बलिङ गरेका थिए । जसमा उनले बिनाविकेट ८ रन दिएका थिए । यस्तै दोस्रो खेलमा मराठा अरेवियन्स देल्ली बुल्ससँग ९ विकेटले नै पराजित भयो । देल्लीबाट १ ओभर बलिङ गरेका नेपाली खेलाडी सोमपाल कामीले बिना विकेट १७ रन दिए । शुक्रबारको अन्तिम खेलमा मेन्टर रुपमा नेपाली आइकन पारस खड्का तथा कुशल मल्ल सम्मिलित टिम अबुधावीले डेक्कन ग्लाडिएटर्ससँग ६ विकेटको हार ब्यहोरेको छ । लिगमा आफ्नो पहिलो खेलमा अबुधावीले पराजय ब्यहोरेको हो । दोस्रो दिनको खेल सकिँदा समूह ए को शीर्ष स्थानमा दुई खेल खेलेर दुवैमा विजयी भएको देल्ली बुल्स रहेको छ । समूह बी को शीर्ष स्थानमा पहिलो खेल जितेको कलन्डर्स रहेको छ।