युभेन्टस बराबरीमा (हाइलाइटस्)
इटालियन सिरी ‘ए’ फुटबल अन्तर्गत युभेन्ट्स बराबरीमा रोकिएको छ ।गएराति क्रिस्टियानो रोनाल्डोको युभेन्ट्सले हेलास भेरोनासंग खेलेको खेल बराबरीमा रोकिएको हो। रोनाल्डोले गोल गरेपनि युभेन्टसले भेरोनासंग अंक बाड्ने बाध्य भएको छ ।
भेरोनाको घेरेलु मैदानमा भएको खेलको पहिलो हाफमा बराबरीमा रोकिएको थियो । खेलको दोश्रो हाफको ४९औं मिनेटमा फेडरिको चिएसाको पासगोल गर्दै रोनाल्डोले आफ्नो टिमलाई अग्रता दिलाएका थिए । यस लिगमा रोनाल्डोको यो १९ औ गोल हो । तर उनको त्यो अग्रता खेलको ७७औँ मिनेटमा एन्टोनियो बाराकले तोडे र खेललाई बराबरीमा पुराए । बाराकले डार्को लाजोभिकको क्रसलाई गोलमा परिणत गरेका थिए।
२३ खेल खेलेको युभेन्टस ४६ अंक सहित तेस्रो स्थानमा छ। यस संगै लिगको शिर्ष स्थानमा रहेको इन्टर मिलानसँगको दुरी घटाउने मौका गुमाएको छ। त्यस्तै भेरोना ३५ अंक जोडेर नवौँ स्थानमा रहेको छ ।
https://www.youtube.com/watch?v=ZFSttKCbkdk
प्रकाशित मिति: शनिबार, फागुन १५, २०७७
प्रतिक्रिया दिनुहोस्
थप समाचार
साताको लोकप्रीय
