लिग लिडर सिटिको बिजयी यात्रा कायमै, १३ अंकको अग्रता (हाइलाइटस्)
इंग्लिस लिग अन्तरगत लिग लिडर म्यानचेस्टर सिटीले आफ्नो बिजयी यात्रा कायम राखेको छ। गएराति सिटिले वेष्ट ह्याम युनाइटेडलाई २–१ ले हराउदै २०औं खेलमा जित हात पारेको हो । हिजो भएको खेलमा सिटिका रुबेन डियाज र जोन स्टोन्सले गोल गरेका थिए भने वेष्ट ह्यामका माइकल एन्टोनियोले एक गोल गरेका थिए ।
खेलको पहिलो हाफको ३०औं मिनेटमा केभिन डी ब्रुयनाको पासमा डियाजले गोल गर्दै अग्रता लिएका थिए । त्यसको १३ मिनेट पनि नबित्दै जेसी लिङ्गार्डको पासमा माइकल एन्टोनियोले गोल गर्दै खेललाई बराबरीमा पुराए।
पहिलो हाफ बराबरीमा खेलेको सिटिले दोश्रो हाफको ६८ औं मिनेटमा फेरी अग्रता लिएको थियो । रियाद महारेजको पासमा स्टोन्सले गरेको गोल नै खेलको निर्णायक गोल बन्न पुग्यो।
https://www.youtube.com/watch?v=7nXtkNAdMx8
सिटिको यस लिगमा यो लगातार २० औं जीत हो । यस जीतसंगै लिगको शिर्ष स्थानमा रहेको सिटि १३ अंकले अगाडी छ भने वेष्ट ह्याम ४५ अंक सहित चौथो स्थानमा रहेको छ । ४९ अंकसहित म्यानचेस्टर युनाइटेड दोश्रो स्थानमा रहेको छ भने लेस्टर सिटी तेस्रो स्थानमा रहेको छ ।
प्रकाशित मिति: शनिबार, फागुन १५, २०७७
प्रतिक्रिया दिनुहोस्
थप समाचार
साताको लोकप्रीय
