लिभरपुलमाथि चेल्सीको जीत
इङ्लिस प्रिमियर लिगमा चेल्सीले लिभरपुललाई पराजित गरेको छ । बिहिबार राति घरेलु मैदानमा भएको खेलमा साविक विजेता टोली लिभरपुल चेल्सीसँग १–० को गोल अन्तरले पराजित भएको हो । चेल्सीका तर्फबाट मेसन माउन्टले गरेको गोल नै यस खेलको निर्णय गोल बन्न पुग्यो । खेलको ४२ औं मिनेटमा माउन्टले डि बक्स लाईनबाट उत्कृष्ट गोल गरेका थिए।
पछिल्लो समय लिभरपुलले प्रदर्शन निराशाजनक देखेको छ। पछिल्लो ५ खेलमा लिभरपुलले जम्म १ खेलमा जीत हात पारेको छ भने घरेलु मैदानमा भने लिभरपुलको यो लगातार पाँचौ हार हो ।
यसहारसंगै लिभरपुल ४३ अंकसहित लिगको सातौं स्थानमा रहेको छ भने चेल्सीले ४७ अंक सहित लिगको चौथो स्थानमा उक्लिएको छ । यो जीतपछि चेल्सी लिगको शीर्ष चारमा रहन सक्ने सम्भावना बढेर गएको छ ।
प्रकाशित मिति: बिहीबार, फागुन २०, २०७७
प्रतिक्रिया दिनुहोस्
थप समाचार
