एट्लेटिको मड्रिडसंग बार्सिलोना २ अंकले पछि
स्पेनिस ला लिगा अन्तर्गत बार्सिलोनाले एट्लेटिको मड्रिडसंगको दुरी कम गरेको छ। शनिबार राति भएको खेलमा बार्सिलोनाले ओसासुनालाई २–० को गोल अन्तरले हराउँदै लिगको शिर्ष स्थानमा रहेको एट्लेटिको मड्रिडसंगको दुरी कम गरेको हो।
खेलको पहिलो हाफमा बार्सिलोनाका तर्फबाट जोर्डी अल्बाले ३० औं मिनेटमा गोल गरे। अल्बाले मेस्सीको पासलाइ गोलमा परिणत गर्दै आफ्नो टिमलाई अग्रता दिलाए ।
पहिलो हाफमा एक गोलको अग्रता लिएको बार्सिलोनाले दोश्रो हाफको ८३ औं मिनेटमा थप एक गोल गर्यो । खेलको अन्तिम सात मिनेट बाँकी रहँदा आइले मोरिबाले थप गोल गरे । १८ बर्षिय मोरिबाले बार्सिलोनामा गोल गरेको यो पहिलो पटक हो।
जीतसंगै २६ खेल खेलेको बार्सिलोनाले ५६ अंक सहित दोश्रो स्थानमा रहेको छ भने एट्लेटिको मड्रिड ५८ अंक सहित लिगको शिर्ष स्थानमा रहेको छ । त्यस्तै बार्सिलोना भन्दा ३ अंक रहेको रियाल मड्रिड लिगको तेस्रो स्थानमा रहेको छ।
बार्सिलोनाभन्दा एट्लेटिकोले ३ खेल र रियलले एक खेल कम खेलेको छ।
प्रकाशित मिति: शनिबार, फागुन २२, २०७७
प्रतिक्रिया दिनुहोस्
थप समाचार
साताको लोकप्रीय
