पीएसजी फ्रेन्च कपको अन्तिम १६ मा
पेरिस सेन्ट–जर्मन (पीएसजी) फ्रेन्च कपको अन्तिम १६ मा स्थान बनाएको छ। शनिबार राति भएको खेलमा पीएसजीले ब्रेष्टमाथि ३–० को गोल अन्तरले पराजित गर्दै फ्रेन्च कपको अन्तिम १६ मा आफ्नो स्थान सुनिश्चित गरेको हो ।
पाहुना टोली पीएसजीका केलियन एमबाप्पेले २ गोल र पाब्लो सरविया १ गोल गरेर ब्रेष्टमाथि सहज जीत हात पारेको थियो।
खेलको नवौं मिनेटमा मार्को भेरोट्टीको पासमा एमबाप्पेले गोल गर्दै आफ्नो टिमलाई अग्रता दिलाए। त्यस्तै खेलको ४४ औं मिनेटमा सरवियाले थप एक गोल गर्दै अग्रता दोब्बर बनाए।
पहिलो हाफमा दुई गोलको अग्रता बनाएको पिएसजीले दोश्रो हाफको ७४ मिनेटमा एमबाप्पेले थप एक गोल गरे ।
यस जीतसंगै साविक विजेता पीएसजीले अन्तिम १६ मा प्रवेश गरेको छ । ६ पटक फ्रेन्च कपको फाइनलमा पुगेको पिएसजीले अहिलेसम्म ५ पटक उपाधि हात पारेको छ ।
प्रकाशित मिति: शनिबार, फागुन २२, २०७७
प्रतिक्रिया दिनुहोस्
थप समाचार
साताको लोकप्रीय
