च्याम्पियन्स लिग: लिभरपुल क्वाटर-फाइनलमा
लिभरपुल युरोपियन च्याम्पियन्स लिगको अन्तिम ८ मा पुगेको छ । बुधबार राति भएको खेलमा इंग्लिस क्लब लिभरपुलले जर्मन क्लब आरबी लाइप्जिगलाई २-० ले हराउँदै लिगको क्वाटर–फाइनलमा प्रवेश गरेको छ ।
पहिलो लिगमा २-० ले पराजित भएको लाइप्जिग दोश्रो लेगपछि समग्रमा ४-० को नतिजा निकाल्दै लाइप्जिग लिगबाट बाहिरिएको हो ।
हिजोको खेलको पहिलो हाफ गोल रहित बराबरीमा रोकिएपनि दोश्रो हाफको ७० औँ मोहम्मद सलाहले गोल गर्दै लिभरपुललाई अग्रता दिलाए । त्यस्तै सलाहले अग्रता लिएको ४ मिनेट नबित्दै साडियो मानेले थप एक गोल गरेर आफ्नो टिमलाई दोबार अग्रता दिलाए ।
लिभरपुलसंगै पेरिस सेन्ट जर्मेइन,डर्टमण्ड,पोर्टो पनि यसअघि क्वाटर–फाइनलमा प्रवेश गरिसकेका छन्।
प्रकाशित मिति: बुधबार, फागुन २६, २०७७
प्रतिक्रिया दिनुहोस्
थप समाचार
