युनाईटेड च्याम्पियन्स लिग खेल्ने सम्भावना
इंग्लिस प्रिमियर लिगमा म्यानचेस्टर युनाइटेडले वेस्ट ह्यामलाई पराजित गरेको छ। गएराती भएको खेलमा क्रेग डसनले आत्मघाती गोल गरेपछि युनाइटेडले वेस्ट ह्यामलाई १–० को गोल अन्तरले पराजित गरेको हो ।
खेलको पहिलो हाफ बराबरीमा खेलेको युनाईटेडले दोश्रो हाफको ५३ औं मिनेटमा युनाइटेडका ब्रुनो फर्नान्डेजको कर्नर प्रहार क्लियर गर्ने क्रममा डासनले आत्मघाती गोल गरेर युनाईटेडलाई उपहार दिएपछि उक्त गोल नै यस खेलको निर्णायक गोल बन्न पुग्यो।
यस जितसंगै युनाईटेडले अंक तालिकामा दोश्रो स्थानमा आफ्नो पकड बहलियो बनाएको छ भने हारपछि वेस्ट ह्यामको भने शीर्ष चारको सम्भावना कमजोर बनेको छ।
२९ खेल खेलेको युनाईटेड ५७ अंक सहित लिगको दोश्रो स्थानमा रहेको छ । शीर्ष स्थानमा म्यानचेस्टर सिटी युनाईटेडभन्दा १४ अंकले अघि छ । उपाधि होडबाट बाहिरिसकेको युनाइटेडले टप ४ मा रहेर च्याम्पियन्स लिग खेल्ने सम्भावना भने बलियो बनाएको छ।
प्रकाशित मिति: आइतबार, चैत १, २०७७
प्रतिक्रिया दिनुहोस्
थप समाचार
