एसी मिलानलाई पराजित गर्दै युनाइटेड क्वाटरफाइनलमा
म्यानचेस्टर युनाइटेड युरोपा लिग फुटबलको क्वाटरफाइनलमा प्रवेश गरेको छ ।
गएराति भएको खेलमा इंगलिस प्रिमियर लिग क्लब म्यानचेस्टर युनाइटेड र इटालियन क्लब एसी मिलानबीचको खेलमा युनाइटेडले समग्रमा २-१ को नतिजा निकाल्दै युरोपाको अन्तिम ८ मा प्रवेश गरेको हो ।
बिहीबार राति भएको अन्तिम १६ को दोस्रो लेगमा इटालियन क्लब एसी मिलानलाई १–० गोल अन्तरले पराजित गर्दै युनाइटेड अन्तिम आठमा पुगेको हो ।
मिलानको घरेलु मैदानमा भएको दोश्रो लेगमा युनाइटेडले मिलानलाई १-० ले पराजित गरेको थियो। पहिलो हाफ बराबरमा खेलेको युनाइटेडले दोश्रो हाफको ४९ औं मिनेटमा पाउल पोग्बाले गरेको गोल नै खेलको निर्णायक गोल बन्न पुग्यो । यस अघिको पहिलो लेगमा युनाइटेड र मिलान १-१ को बराबरीमा खेलेका थिए ।
प्रकाशित मिति: बिहीबार, चैत ५, २०७७
प्रतिक्रिया दिनुहोस्
थप समाचार
