आज देशभर २५ सय ६९ संक्रमित थपिए, २६ को मृत्यु
नेपालमा बुधबार थप २५६९ जनामा कोरोना पुष्टि भएको छ । देशका बिभिन्न स्थानमा गरिएको परिक्षणका क्रममा थप २५६९ जनामा कोरोना पुष्टि भएको स्वास्थ्य मन्त्रालयले जनाएको छ ।
यो संगै नेपालमा कोरोना संक्रमितको संख्या दुई लाख दुई हजार ३२९ जना पुगेको छ । बुधबार काठमाडौं उपत्यकामा थप १२६१ जनामा कोरोना पुष्टि भएको छ । काठमाडौंमा ९७६ , भक्तपुरमा ८१ ललितपुरमा २०४ जनामा कोरोना पुष्टि मन्त्रालयका प्रवक्ता डा जागेश्वर गौतमले जानकारी दिनुभयो ।
त्यस्तै कोरोनाका कारण थप २६ जनाको मृत्यु भएको छ भने हालसम्म ११ सय ७४ जनाले कोरोनाका कारण ज्यान गुमाएका छन् ।
पछिल्लो समय १६६६ जना कोरोनामुक्त भएका छन् भने हालसम्म १ लाख ६२ हजार २४३ जना कोरोनामुक्त भएको मन्त्रालयका प्रवक्ता गौतमले बताए ।
उनका अनुसार हाल आइशोलेनमा ३८ हजार ९१२ जना रहेका छन् । त्यस्तै ११०९ जना क्वारेन्टाइनमा रहेका छन् । हालसम्म १५ लाख ७४ हजार २९५ पिसिआर गरिएको मन्त्रालयले जनाएको छ ।
प्रकाशित मिति: मंगलबार, कात्तिक २५, २०७७
प्रतिक्रिया दिनुहोस्
थप समाचार
