नेपाली कांग्रेस केन्द्रीय सदस्य, महिला विभाग प्रमुख एवं संविधान सभा पूर्व सदस्य ईश्वरी न्यौपानेका पति लक्ष्यबहादुर न्यौपानेको निधन भएको छ। कैलालीबाट कांग्रेस महासमिति सदस्य समेत रहेका ६५ वर्षीय न्यौपानेको कोरोना भाइरस संक्रमणको कारण आज राती कैलालीस्थित अस्पतालमा उपचारका क्रममा निधन भएको हो। जीवनभर कांग्रेसको राजनीतिमा सक्रिय रहेका न्यौपानेलाई करिब दुई वर्षअघि क्यान्सरको संक्रमण देखिएको थियो। तर, देशभित्र र बाहिरका अस्पतालमा लगेर उपचार गरी स्वास्थ्य लाभ लिइरहेका न्यौपाने दशैं अघि राजधानीबाट गृहजिल्ला कैलाली गएका थिए। केही दिनअघि मात्रै कोरोनाको पोजेटिभ लक्षण देखिएका न्यौपानेको स्वास्थ्यमा अचानक समस्या आएपछि कैलालीस्थित अस्पतालमा भर्ना गरी उपचार गरिएकोमा शनिबार स्थिति थप गम्भिर बनेको थियो।