कोरोना अपडेट: १४ सय ४२ संक्रमित, ३५ सय ३८ निको, १२ मृत्यु
नेपालमा बुधबार थप १४४२ जनामा कोरोना पुष्टि भएको छ । देशका बिभिन्न स्थानमा गरिएको परिक्षणका क्रममा थप १४४२ जनामा कोरोना पुष्टि भएको स्वास्थ्य मन्त्रालयका प्रवक्ता डाक्टर जागेश्वर गौतमले जानकारी दिए ।
संक्रमितहरुमा काठमाडौंका ८२२ भक्तपुरका ४८ र ललितपुरका १६८ गरि १ हजार ३८ जना रहेका छन् । यो संगै नेपालमा कोरोना संक्रमितको संख्या २ लाख १२ हजार ९१७ पुगेको छ ।
त्यस्तै कोरोनाका कारण थप १२ जनाको मृत्यु भएको छ भने हालस्म्म नेपालमा १२५९ जनाको कोरोनाका कारण मृत्यु भएको छ । नेपालमा थप ३५३८ संक्रमित जना निको भएका छन् भने हालसम्म १ लाख ८२ हजार ७८० जना निको भएको प्रवक्ता गौतमले जानकारी दिए ।
प्रवक्ता गौतमका अनुसार हाल आइशोलशनमा २८ हजार ८७८ जना रहेका छन् भने क्वारेन्टाइनमा ९१० जना रहेका छन् । हालसम्म १६ लाख २३ हजार ७५४ वटा पिसिआर गरिएको मन्त्रालयले जनाएको छ ।
प्रकाशित मिति: मंगलबार, मंसिर २, २०७७
प्रतिक्रिया दिनुहोस्
थप समाचार
