खुलामञ्चमा भोका नागरिकलाई खाना खुवाउने कार्यक्रमले निरन्तरता
काठमाडौं महानगरपालिकाको विरोधका बाबजुत काठमाडौंको खुलामञ्चमा भोका नागरिकलाई खाना खुवाउने कार्यक्रमले निरन्तरता पाएको छ ।
बुधबार साझा पार्टी, हन्ड्रेड ग्रुप लगाएतले खुलामञ्चमा खाना बितरण गरेको हो । काठमाडौं महानगरपालिकाले खुलामञ्चमा खाना खुवाउन रोक्ने जनाएपछि साझा पार्टीले खाना वितरणलाई निरन्तरता दिएको बाग्मती प्रदेश सांसद एवं साझा पार्टीका केन्द्रीय सदस्य शोभा शाक्यले जानकारी दिए ।
यसअघि मंगलवार पार्टीले बुधवार बिहान र साँझको खाना आफ्नो खर्चमा पार्टीका स्वयंसेवी परिचालन गरेर खुवाउने घोषणा गरेको थियो । शाक्यले भोका नागरिकलाई खाना खुवाउने कार्यलाइ रोक्न नहुने बताए ।
यसअघि काठमाडौं महानगरपालिकाले खुलामञ्च लगायतका स्थानमा निःशुल्क खाना खुवाउनेहरुलाई विकल्प खोज्न आग्रह गरेको थियो ।
मेयर शाक्यले काठमाडौंका पुरानो बसपार्कलगायतका विभिन्न सार्वजनिक स्थलहरूमा फोहोर, धूलोधुँवा र भीडभाडका बीच स्वास्थ्य सुरक्षासम्बन्धी सामान्य मापदण्ड समेत पूरा नगरी अस्वस्थ र असुरक्षित तरिकाले खाना खुवाउँदै आइरहेको भनी जनस्तरबाटै गुनासो आउने गरेको कुराप्रति ध्यानाकर्षण भएको बताए।
निःशुल्क खाना खुवाउनेहरुलाई विकल्प खोज्न मेयर शाक्यको आग्रह
मेयर शाक्यले काठमाडौंका पुरानो बसपार्कलगायतका विभिन्न सार्वजनिक स्थलहरूमा फोहोर, धूलोधुँवा र भीडभाडका बीच स्वास्थ्य सुरक्षासम्बन्धी सामान्य मापदण्ड समेत पूरा नगरी अस्वस्थ र असुरक्षित तरिकाले खाना खुवाउँदै आइरहेको भनी जनस्तरबाटै गुनासो आउने गरेको कुराप्रति ध्यानाकर्षण भएको बताए।
प्रकाशित मिति: मंगलबार, कात्तिक १८, २०७७
प्रतिक्रिया दिनुहोस्
साताको लोकप्रीय
