भेरीमा बस खस्दा एकको मृत्युः एक बेपत्ता
सुर्खेत गरालेस्थित गौंँडाबाट भेरी नदीमा बस खसेको छ । आज अपराह्न २ः४५ बजेतिर ना।५ । ७७५० नम्बरको बस छिञ्चु–जाजरकोट सडकखण्डमा दुर्घटनामा परेको हो ।
बस खस्दा दाङ, बबई गाउँपालिका–३ निवासी बस चालक २२ वर्षीय सुमन नेपालीको मृत्यु भएको इलाका प्रहरी कार्यालय छिञ्चु सुर्खेतका प्रहरी निरीक्षक माधव चौधरीले जानकारी दिनुभयो । उहाँका अनुसार बस सडकबाट २०० मिटर तल भेरी नदीमा खसेको थियो । “पहिचान नखुलेका एक जना भेरी नदीमै बेपत्ता भएका छन् ,” प्रहरी निरीक्षक चौधरीले भन्नुभयो, “उनको खोजी भइरहेको छ ।” गम्भीर घाइते एक जनालाई उद्धार गरी मेहलकुना अस्पतालमा उपचारका लागि लगिएको प्रहरीले जनाएको छ ।
गुर्भाकोट–९ का वडाध्यक्ष शशिराम भट्टराईका अनुसार सल्यान कालीमाटी हुँदै बोटेचौरबाट सल्लीबजार जाँदै गरेको बस दुर्घटना भएको हो । बस नदीमा डुबेकाले बेपत्ताको खोजीमा समय लाग्ने प्रहरीले जनाएको छ । रासस
प्रकाशित मिति: बुधबार, पुस २२, २०७७
प्रतिक्रिया दिनुहोस्
साताको लोकप्रीय
