भागरथी भट्टको बलात्कार तथा हत्या आरोपी सार्वजनिक
नेपाल प्रहरीले बैतडीकी १७ वर्षीया भागरथी भट्टको हत्या आरोपीलाई पक्राउ गरि सार्वजनिक गरेको छ । बुधबार जिल्ला प्रहरी कार्यालय बैतडीमा पत्रकार सम्मेलन गर्दै प्रहरीले भट्टका बलात्कार तथा हत्या आरोपीलाई सार्वजनिक गरेको छ । आरोपित किशोर दोगडाकेदार गाउँपालिका–७ का भट्ट पढ्ने सनातन धर्म माध्यमिक विद्यालय, श्रीकोटकै कक्षा ११ अध्ययनरत रहेको प्रहरीले जनाएको छ ।
आरोपी बजारबाट साथीहरूसँग छुटेर घर जाने भन्दै फर्किएर घटनास्थल पुगेर भागरथीलाई मार्ने उदेश्यले कुरेर बसेको देखिएको प्रहरीले जनाएको छ ।
भट्टलाई सडकभन्दा तल धकेलेर लडेपछि जबरजस्ती घाँटी थिचेर मारेको देखिएको पनि प्रहरीको अनुसन्धानबाट खुलेको सुदुरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक उत्तमराज सुवेदीले जानकारी दिए । मृतक भारथीका घाटीमा दवाएजस्तो डाम रहेको, खुट्टाको औलामा घाउ रहेको अवस्थामा फेला परेको उनले बताए ।
आरोपितले बलात्कार भने नगरेको बयान दिए पनि पोष्टमार्टम रिपोर्टमा बलात्कार भएको देखिएको थियो । आरोपी र भट्टको भजाइनल स्वाबको डीएनए जाँचको अनुसन्धान भइरहेको प्रहरीले जनाएको छ । गत माघ २२ गते बैतडीकी सनातन धर्म माध्यमिक विद्यालय, श्रीकोटमा अध्ययनरत भट्टको हत्या भएको अवस्थामा शव फेला परेको थियो ।
प्रकाशित मिति: मंगलबार, फागुन ४, २०७७
प्रतिक्रिया दिनुहोस्
थप समाचार
