चार महिनादेखि बेपत्ता पुजनको मोटरसाइकल डुबेको अवस्थामा फेला
सिन्धुपाल्चोकबाट चार महिनादेखि बेपत्ता भोजपुर हतुवागढी–६ का २५ वर्षीय पुजन राईको मोटरसाइकल र जुत्ता भेटिएको छ । भोटेकोशी बसेरी ढुंगाखानीमा आधा डुबेको अवस्थामा क्षतिग्रस्त मोटरसाइकल भेटिएको हो ।
गत कात्तिक २८ गते बाह्रबिसेस्थित प्राथमिक स्वास्थ्य केन्द्रमा नेत्र सहायक पदमा कार्यरत राई सीमा क्षेत्रको हिन्दी बजारबाट फर्किएपछि चाकु बजारबाट सम्पर्कविहीन हुनुभएको थियो । जिल्ला प्रहरी कार्यालयका अनुसार राईको गत मंसिर १ गते काभ्रेको ज्याम्दी र ६० घर पलाञ्चोकमा मोबाइलको जीपीआरएस ‘सिम लोकेसन’ देखिएको थियो ।
तर बिहीबार अचानक नदी र किनारमा क्षतिग्रस्त सवारीसहित जुत्ता भेटिएपछि सबैतिर खोजी कार्य तीव्र बनाइएको प्रहरीले जनाएको छ । काभ्रेपलाञ्चोक र भोटेकोशी क्षेत्रको शंकास्पद स्थानमा राई खोज्न प्रहरी सक्रिय रुपमा खटेका छन् ।
प्रकाशित मिति: बुधबार, फागुन २६, २०७७
प्रतिक्रिया दिनुहोस्
साताको लोकप्रीय
