कसैलाई प्रधानमन्त्री बन्ने रहर छ भने चुनावमा जाने आँट हुनुपर्छ: मुख्यमन्त्री पोख्रेल
लुम्बिनी प्रदेशका मुख्यमन्त्री ओली समूहका नेता शंकर पोखरेलले प्रधानमन्त्री हुन रहर गर्नेलाई चुनावमा सहभागी हुन चुनौती दिएका छन् । राष्ट्रिय युवा संघ नेपालले मंगलबार बुटवलमा आयोजना गरेको कार्यकता भेलालाई सम्बोधन गर्दै मुख्यमन्त्री पोखरेलले पदका लागि नै विवाद देखिएको भन्दै प्रधानमन्त्री हुन रहर भए चूनाव लड्न चूनौती दिएका हुन् ।
उनले प्रधानमन्त्री ओली पार्टीले टिका लगाएर प्रधानमन्त्री बनेको नभई जनताबाट अनुमोदित भएर प्रधानमन्त्री बनेकाको समेत बताए । अधिवेशन हारेका माधव नेपाल पार्टी फोडेर अध्यक्ष बनेको र बिघटीत संसदीय दलको बैठक बोलाएर प्रचण्ड दलका नेता बन्नु लज्जास्पद भएको उनले बताए । पोखरेलले जनताका पक्षमा निर्णय नगर्ने, दलको निर्णय नमान्ने सांसदको कुनै ओचित्य नभएको बताए ।
कार्यक्रममा नेकपा महेश बस्नेतले युवा संघ देशलाई अप्ठारो परेका अवस्थामा खडा हुने भन्दै देशको राष्ट्रियता,सामाजिक संद्भाव आक्रमण हुदाँ युवा संघ चुप लागेर बस्न नसक्ने बताए ।
उनले मुलुक अप्ठेरोमा पर्दा राष्ट्रवादीहरु एक हुनुपर्ने धारणा राखे ।
प्रकाशित मिति: सोमबार, माघ १२, २०७७
प्रतिक्रिया दिनुहोस्
थप समाचार
साताको लोकप्रीय
