लौन! उडेको ड्रोन भीडमा खसेर हरायो
दाहाल-नेपाल पक्षका नेपाल कम्युनिष्ट पार्टी(नेकपा) ले काठमाडौंको प्रदर्शनीमार्गस्थित सडकमा आयोजना गरिएको बिरोध सभामा ड्रोन हराएको छ। प्रधानमन्त्री केपी शर्मा ओलीले प्रतिनिधिसभा विघटनको विरोधमा शक्ति प्रदर्शन गर्न आज योजना गरिएको बिरोध सभाको भिडियो खिच्न उडेको ड्रोन भीडमा खसेको छ। उडेको ड्रोन भीडमा खसेपछि महफुज अन्सारीले सम्बोधन गर्ने क्रममा सभाका संचालक लीलामणि पोख्रेलले उनलाई बीच मै रोकेर ड्रोन खसेको सूचना दिंदै उक्त ड्रोनलाई सुरक्षित राख्न आग्रह गरेका थिए।
सभाअघि काठमाडौंका विभिन्न पाँच स्थानबाट जुलुस निकालिएको थियो ।
जुलुसमा सहभागीहरुले सरकारविरुद्ध नाराबाजी गरेका थिए । केही कार्यकर्ताले ‘प्रतिगमन मुर्दावाद’ लेखिएको टिसर्ट लगाएका थिए । बाजागाजा र झाँकीसहित पनि जुलुस निकालिएको थियो । जुलुसमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल, वरिष्ठ नेता झलनाथ खनाल, प्रवक्ता नारायणकाजी श्रेष्ठलगायत पनि सहभागी भएका थिए ।
प्रकाशित मिति: मंगलबार, माघ २७, २०७७
प्रतिक्रिया दिनुहोस्
थप समाचार
साताको लोकप्रीय
