एमालेको संसदीय दल एउटै, बैठक दुई ठाउँमा अलग अलग
नेकपा एमालेका अध्यक्ष एवम प्रधानमन्त्री केपी शर्मा ओलीले पार्टी संसदीय दलको बैठक बोलाएका छन्। प्रधानमन्त्री ओलीले आज ११ बजे प्रधानमन्त्री निवास बालुवाटारमा नेकपाको संसदीय दलको बैठक आह्वान गरेका हुन् ।
आजको बैठकमा भने नेकपा एमालेका खनाल-नेपाल पक्ष भने उक्त बैठकमा सहभागी नहुने बताएको छ । अझ त्यही समयमा खनाल-नेपाल पक्षले पनि ललितपुरको सानेपास्थित होटल हेरिटेज गार्डेनमा ११ बजे आफूनिकटका सांसदहरूको बैठक बोलाएको एक स्रोतले जानकारी दिए।
पछिल्लो समय प्रधानमन्त्री केपी ओलीले गरेको संसद विगठन गरेसंगै र सर्वाच्चले उक्त निर्णय बदर गरेपछि तत्कालिन नेपाल कम्युनिष्ट पार्टीभित्र तिक्तता बढेर गएको थियो । पार्टीको फुटको संहारमा रहेको तत्कालिन नेकपालाई सर्वाच्च अदालतले खारेज गरेर एमाले र माओवादी ब्युताईदिएसंगै नेपालमा पछिल्लो राजीनितिक परिवेश परिवर्तन भएको छ ।
एमालेका अध्यक्ष एवम प्रधानमन्त्री केपी शर्मा ओलीले फागुन २८ गते नेपाल समूहका केही प्रदेश प्रमुखसमेत ओलीले हटाए र माओवादीका २३ जना सदस्यलाई केन्द्रीय सदस्य मनोनित गरेपछि नेपाल पक्षले पनि त्यसको प्रतिकार गर्दै केन्द्रदेखि स्थानीय तहसम्म समानान्तर कमिटी घोषणा गर्ने निर्णय गर्यो । जसअनुसार नेपाल पक्षले प्रदेशमा नेपाल समूहले आफ्नै समानान्तर कमिटी घोषणा गर्यो ।
सोमबार ओली पक्ष र नेपाल पक्षका बीच पार्टी कार्यलय धुम्बाराहीमा छलफल भएको थियो । उक्त छलफलमा नेपाल पक्षले २८ फागुनमा ओलीले एकलौटी निर्णय गर्दै पदाधिकारीहरु खारेज गरेको भन्दै आपत्ति जनाए भने ओली पक्षका नेताहरुले राष्ट्रिय भेला आयोजना नगर्न सुझाव दिए ।
नेपाल पक्षले भने हिजोबाट दुई दिने राष्ट्रिय कार्यकर्ता भेला आयोजना गरेको छ । आज पनि उक्त बेला केहि बेरमा सुरु हुनेछ ।
प्रकाशित मिति: बुधबार, चैत ४, २०७७
प्रतिक्रिया दिनुहोस्
थप समाचार
साताको लोकप्रीय
