गायक सुगम पोखरेल र प्रारम्भ भण्डारीको आवाजमा ‘धन्यवाद’ बोलको गीत सार्वजनिक भएको छ । सुगम पोखरेलको शब्द तथा संगीत रहेको गीत बिहीबार प्रारम्भ भण्डारीको युट्युब च्यानलबाट सार्वजनिक गरिएको हो । गीतको भिडियोमा सुगम पोखरेल र प्रारम्भ भण्डारी पनि फिचर्ड छन् । गीतले संसारभर संकट निम्त्याएको कोरोना भाइरसजस्तो विपदमा हरेस नखाई  लड्नुपर्ने सन्देश दिएको छ । भय र त्रासको यो समयमा पनि रातदिन नभनी खटिरहेका स्वास्थ्यकर्मी, सुरक्षाकर्मीहरु र सम्पूर्ण फ्रन्टलाइन वर्कर्सलाई यस गीतमार्फत धन्यवाद दिइएको  छ  । गीतको भिडियो निर्देशन एलिन श्रेष्ठले गरेका हुन् । भिडियो उत्तम हुमागाईं र असू बस्नेतले खिचेका हुन् भने भिडियोमा सम्पादन लोकेश  बज्राचार्यको छ ।