गायक तथा संगीतकर्मी प्रसाद लामिछाने र गायिका समीक्षा अधिकारीको स्वरमा ‘पानी छल्काले’ गीतको म्यूजिक भिडिओ सार्वजनिक भएको छ । पानी छल्काले गीतलाई युट्युब च्यानल प्रसाद डिजिटल म्यूजिकले सार्वजनिक गरेको हो । सुरेन्द्र लामिछानेको शब्द रचना तथा प्रसाद लामिछानेको संगीत दिएको गीतमा कुमार केसीको निर्देशन रहेको छ । गीतको म्युजिक भिडिओमा सुरेन्द्र लामिछाने र नायिका तथा मोडल नम्रता सापकोटाले अभिनय गरेका छन् । प्रविन भट्टको सम्पादन रहेको भिडियोलाई अजय रेग्मीले छायांकन गरेका हुन् ।