नायिका नीता ढुंगानाले ‘गणेश भजन’ सार्वजनिक गरेर निर्माणमा हात हालिन् । हुनत, उनको योजना ‘माया’ नामक चलचित्र नै बनाउने हो । तर, लकडाउनका कारण तत्काल चलचित्र बनाउन संभव नभएपछि नीता गीत र वेव सिरिज निर्माणमा अगाडि सरेकी छिन् । अब, नीताले ‘श्रीमद्भगवद् गीता’ नाममा करिब ४५ भागको वेव सिरिज बनाउने तयारी गरेकी छिन् । नीताका अनुसार  यो सिरिजमा ४ जना मात्र पात्र हुनेछन् । विशेषगरि, यो अर्जुन र कृष्णको संवादमा आधारित सिरिज हो । जसलाई आधुनिक शैलीमा बनाउने तयारी गरेिएको छ। हरेक भाग २० देखि २५ मिनेटको हुनेछ । जसमा गीत पनि हुनेछ । चलचित्रकै शैलीमा यो निर्माण हुनेछ। नीताका अनुसार, सिरिजमा पात्रहरुले लगाउने पहिरन पौराणिक कालकै हुनेछ । तर, कथालाई आधुनिक तरिकाले बुनिएको छ । नीताले पात्र र निर्देशक छनोटका लागि कुरा भैरहेको बताइन् । यो सिरिजमा महिलाको भूमिका नभएकाले पनि आफूले नखेल्ने तर निर्माण मात्र गर्ने उनको भनाई छ । नीता फिल्मस्ले निर्माण गर्ने यो वेव सिरिज टेलिभिजन र युटुबबाट प्रशारण हुनेछ ।