क्याटलान क्लब बार्सिलोनाले प्रि–सिजनको मैत्रीपुर्ण खेलमा सहज जित हात पारेको छ । बार्सिलोनाले दोस्रो डिभिजिनको क्लब जिम्नास्टिक डि टारागोनामाथि ३–१ को सहज जित हात पारेको हो । बार्सिलोनाको सहज जितमा औसमाने डेम्वेले, एन्टोइन ग्रिजमन र फिलिपे कौटिन्होले गोल गरे । जिम्नास्टिकका जाभी बोनिल्लाले एक गोल फर्काए । बार्सिलोना छाड्ने सनसनी पुर्ण निर्णय गरेर यु टर्न भएका अर्जेन्टिनी स्टार लियोनेल मेस्सीले टोलीको कप्तानी गर्दै पहिलो खेल खेले । उनले रोनाल्ड कोम्यानको प्रशिक्षणमा ४५ मिनेट मैदानमा बिताएका थिए । खेलको छैटौ मिनेटमा औसमाने डेम्वेलेको गोलबाट बार्सिलोनाले अग्रता लिएको थियो । १७औं मिनेटमा एन्टोइन ग्रिजमनले पेनाल्टीमा गोल गर्दै बार्सिलोनालाई २–० ले अघि बढाए । ३१औं मिनेटमा जाभी बोनिल्लाले गोल गर्दै खेललाई पहिलो हाफमा २–१ को अग्रता दिलाए । दोस्रो हाफमा बार्सिलोनाले पुरै टोली परिवर्तन गरेको थियो । दोस्रो हाफमा नै अवसर पाएका ब्राजिली फिलिपे कौटिन्होलो गोल गर्दै बार्सिलोनालाई ३–१ को सहज जित दिलाए । https://www.youtube.com/watch?v=wVRd4Hyctp8 यस जितसँगै बार्सिलोनाले ला लिगाको लागि तयार रहेको संकेत दिएको छ । बार्सिलोनाले १६ सेप्टेम्वरमा जिरोनासँग अर्काे मैत्रीपुर्ण खेल खेल्दैछ । त्यसपछि बार्सिलोनाले २७ सेप्टेम्वर भिल्लारियलसँग खेल्दै ला लिगाको शुरुवात गर्नेछ । बाहिरिने असफल प्रयासपछि लिओनल मेसी पहिलोपटक बार्सिलोनाबाट खेलेका छन्। मेसी शनिबार राति भएको तेस्रो डिभिजनको जिम्नास्टिक डी तारागोनासँगको मैत्रीपूर्ण खेलमा सहभागी भएका हुन्। तर, उनले गाेल भने गर्न सकेनन्। ३३ वर्षका मेसीले गएको अगस्ट २५ मा बार्सिलोना छोड्न चाहेको भन्दै क्लबलाई पत्र बुझाएका थिए। मेसी प्रिमियर लिग क्लब म्यानचेस्टर सिटी जाने चर्चा चलेको थियो। सिटीले मेसीका लागि आफ्ना तीन खेलाडी गाब्रियल जिसस, बेर्नार्डो सिल्भा र एरिक गार्सियालाई दिने प्रस्ताव गरेको थियो। तर, उनले क्लब छोड्न चाहेको बताएपछि अघिल्लो हप्ता लालिगाले बार्सिलोना र मेसीबीचको ७० करोड युरो अर्थात ८२.३ करोड डलरको रिलिज क्लज लागू हुने बताएको थियो। उक्त रकम तिर्न नसकेपछि उनी बार्सिलोनामै बस्न बाध्य भएका थिए। अब मेसी अर्को समरसम्म क्याम्प नाउमा हुने छन्। त्यसपछि मेसीको बार्सिलोनाको बसाई अवधि भने क्लबमा आउने नयाँ अध्यक्षमा निर्भर रहनेछ। बार्सिलोनाले सन् २०२१ को मार्चमा नयाँ नेतृत्व छान्दैछ। सोही निर्वाचनबाट वर्तमान अध्यक्ष जोसेप मारिया बर्टोमेउलाई प्रतिस्थापन गर्ने व्यक्तिमा मेसीको भविष्य निर्भर रहनेछ। उनी पुन अध्यक्षमा चुनिन चाहन्छन्। मेसीको बहिर्गमनले भएकाे भए नेतृत्वलाई अप्ठ्यारो पर्न सक्ने थियाे। उनले मेसीका बुवासँग पनि लगातार कुरा गरिरहेका थिए।