अल्भारो मोराना स्पेनिस क्लब एथ्लेटिको मड्रिडबाट इटालियन सिरी ए क्लब युभेन्टस गएका छन् । युभेन्टसले आफ्ना पूर्व खेलाडी  मोराटालाई लोनमा पुनः क्लबमा भित्र्याएको हो । २७ वर्षे स्पेनिस खेलाडी मोराटाले यो सिजनको अन्त्यसम्मका लागि युभेन्टससँग सम्झौता गरेका हुन् । यद्यपि युभेन्टसले उनीसँगको सम्झौता एक वर्ष बढाउने वा स्थायी खेलाडी बनाउने विकल्प पाउनेछ । युभेन्टसले एथ्लेटिको मड्रिडलाई सिजनको १० मिलियन युरो तिर्नेछ । चेल्सीबाट एथ्लेटिको मड्रिड गएका उनले गत १ जुलाइमा मात्रै स्थायी सम्झौता गरेका थिए । मोराटाले यसअघि सन् २०१४ देखि २०१६ सम्म युभेन्टसबाट खेल्दा दुवै सिजन सिरी ए उपाधि जितेका थिए । त्यसपछि मोराटाले रियल मड्रिड र चेल्सीबाट खेलेका थिए ।